У карнай псіхіятрыі новы дыягназ: «рэакцыя апазыцыі»
4
15:07, — Палітыка
Ваенкамат накіраваў юнака ў псыхдыспансэр за тое, што ён патрабаваў сабе дакумэнтаў на беларускай мове.
Зьміцер Жалезьнічэнка праходзіў мэдкамісію ў ваенкамаце. На прыёме ў ваенкамаўскага псыхіятра доктарка зацікавілася, чаму ён быў прыцягнуты да адміністрацыйнай адказнасьці. Пачуўшы адказ «Які з чатырох артыкулаў вас цікавіць?», псыхіятр не стала ўдакладняць далей. Пасьля размовы на тэму абароны Радзімы Зьмітру было выпісанае накіраваньне на дадатковае мэдычнае дасьледаваньне ў псыхіятрычную паліклініку, паведаміла “Наша Ніва”.
«Яны доўга спрачаліся, які папярэдні дыягназ напісаць, і ў выніку напісалі «рэакцыя апазыцыі», — кажа Зьміцер.
Накіраваньне патлумачылі тым, што Зьміцер размаўляе на роднай мове, і ён прымусіў ваенкома перапісаць усе дакумэнты па-беларуску.
Студэнт Зьміцер Жалезьнічэнка быў адлічаны з 3-га курсу матэматычнага факультэту Гомельскага дзяржунівэрсытэту імя Скарыны за «сыстэматычныя парушэньні правілаў унутранага распарадку». Жалезьнічэнка — актывіст краязнаўчай арганізацыі «Талака» і «Моладзі БНФ», пры навучаньні меў сярэдні бал 9.
