Лукашэнка супраць мытнага саюза ў рамках ЕўрАзЭС
2
11:59, — Палітыка
Адсутнасць узгодненых пазіцый у фармаванні цэнаў на энергарэсурсы можа стаць перашкодай на шляху стварэння паўнавартаснага мытнага саюза ў рамках Еўразійскай эканамічнай супольнасці, лічыць памочнік прэзідэнта Беларусі Валянцін Рыбакоў.
"Беларусь па-ранейшаму лічыць, што не можа быць адзінай канкурэнтнай серады ва ўмовах няроўнасці цэнаў на найважнейшыя сыравінныя тавары і энерганосьбіты", – заявіў памочнік кіраўніка беларускай дзяржавы ў інтэрв'ю "Інтэрфаксу" ў панядзелак.
Па словах В.Рыбакова, "нельга дапусціць, каб наша праца звялася толькі да стварэння фармальнага мытнага саюза, які можа быць толькі транзітнай прыступкай да далейшага развіцця Еўразійскай эканамічнай супольнасці". У сувязі з гэтым, працягнуў памочнік прэзідэнта Беларусі, падпісаныя ў Душанбе дакументы павінны стаць гарантыяй таго, што "мы не будзем далей разбегацца, павялічваць розніцу ва ўмовах гаспадарання і ўводзіць новыя абмежаванні ва ўзаемным гандлі".
"Беларускі бок зыходзіць з неабходнасці фарсіравання працэсу па фармаванні мытнага саюза і адзінай эканамічнай прасторы", – адзначыў В.Рыбакоў. Ён нагадаў, што кіраўнікамі дзяржаў – удзельніц ЕўрАзЭС прымалася рашэнне аб завяршэнні фармавання мытнага саюза ўжо ў 2006 годзе. "Але мы толькі цяпер пачалі набліжацца да гэтай мэты. Такое павольнае пасоўванне наносіць значныя страты іміджу Еўразійскай эканамічнай супольнасці як сур'ёзнага аб'яднання дзяржаў, якія імкнуцца да рэальнай інтэграцыі сваіх эканомік", – заявіў памочнік прэзідэнта Беларусі.
