Аварыі на лініях электраперадач па ўсёй краіне
10:35, — Грамадства
За нядзелю і ноч панядзелка ў Беларусі былі абясточаныя 1008 населеных пунктаў, паведамілі "Інтэрфаксу" ў Міністэрстве па надзвычайных сітуацыях Беларусі.
"Наліпанне мокрага снегу на лініі электраперадачы прывяло да абясточвання 1008 населеных пунктаў у Віцебскай, Гомельскай, Менскай і Магілёўскай абласцях", – распавялі суразмоўцы агенцтва. Паводле іх слоў, больш за іншых пацярпелі Гомельская і Магілёўская вобласці.
Ратавальнікі паінфармавалі, што мокрым снегам па рэспубліцы былі пашкоджаныя 261,5 км ліній электраперадачы.
Па стане на 10.00 панядзелка не адноўленае электразабеспячэнне 325 населеных пунктаў, удакладнілі ў МНС.
Там адзначылі, што для ліквідацыі наступстваў снегападу прыцягнутыя 260 адзінак тэхнікі, і 841 чалавек.
