Навошта здымалі на відэа праваабаронцаў?
13:55, — Палітыка
16 лістапада з 13:00 да 14:00 у Гаазе прайшла акцыя салідарнасці з ахвярамі таталітарнага рэжыму ў Беларусі. Пікет быў арганізаваны галандскай студэнцкай ініцыятывай «Mission to Minsk» і грамадзянскай ініцыятывай «Мы памятаем».
Удзельнікі акцыі салідарнасці трымалі партрэты бясследна зніклых у Беларусі лідэраў апазіцыі Юрыя Захаранкі, Віктара Ганчара, Анатоля Красоўскага, журналіста Змітра Завадскага.
Супрацоўнік амбасады, якому неабходна было прайсці ўнутр, праігнараваў прывітанні ўдзельнікаў мірнай дэманстрацыі.
Прадстаўнік мясцовай паліцыі, які прысутнічае на акцыі, паведаміў, што яму вядома, што амбасада вядзе відэаздымку Дзён салідарнасці.
