Улады баяцца мітынга прадпрымальнікаў на Кастрычніцкай плошчы
1- 29.11.2007, 8:51
Сёньня ў судзе Заводзкага раёну Менску будуць судзіць прадпрымальнікаў Алеся Талстыку і Руслана Луцэнку.
Іх затрымалі ўчора пад час раздачы ўлётак з заклікам прыйсьці 10 сьнежня на Кастрычніцкую плошчу Менску на акцыю пратэсту супраць Указу Аляксандра Лукашэнкі № 760. На іх склалі пратакол паводле артыкулу 23.34 (заклік удзельнічаць, альбо ўдзел у несанкцыянаваным масавым мерапрыемстве), паведамляе "Радыё Свабода".
Алесь Талстыка, адзін з заяўнікаў акцыі, і Руслан Луцэнка ноч правялі ў менскай турме на вуліцы Акрэсьціна.
