Аляксандр Макаеў: «Прадпрымальнікі выйдуць толькі на Кастрычніцкую плошчу»
23
11:09, — Палітыка
Заяўнікі акцыі пратэсту на Кастрычніцкай плошчы заявілі, што ў выпадку адмовы ўлад, гатовыя выйсці на несанкцыянаваную акцыю пратэсту. Галоўнае патрабаванне індывідуальных прадпрымальнікаў – адмена ўказу прэзідэнта №760. У адваротным выпадку лідэры прадпрымальніцкага руху прагназуюць сацыяльны і эканамічны выбух.
"У самыя блізкія месяцы пасля новага года будзе стагнацыя і знішчэнне малога бізнэсу. Акцыя неабходная для кансалідацыі прадпрымальнікаў у абарону сваіх правоў", – цытуе "Тэлеграф" інтэрв'ю сябра кардынацыйнага савета прадпрымальнікаў ад Менска Аляксандр Макаеў беларускай службе Радыё "Свабода".
Заяўнікі акцыі на Кастрычніцкай плошчы прапаноўваюць уладам дазволіць мітынг з удзелам пяці тысяч чалавек, якія збяруцца 10 снежня а 12 гадзіне на Кастрычніцкай плошчы ў Менску.
Раней прэс-цэнтр Хартыі’97 паведамляў, што суд прысудзіў да арышту арганізатараў мітынгу прадпрымальнікаў 10 снежня
Суд Завадскога раёна горада Менска прысудзіў прадпрымальнікаў Алеся Таўстыку і Руслана Луцэнку да сямі і дзесяці сутак арышту адпаведна. Прадпрымальнікаў асудзілі за распаўсюджванне ўлётак з інфармацыяй пра мітынг супраць прэзідэнцкіх указаў №760 і 302, які павінен прайсці 10 снежня на Кастрычніцкай плошчы сталіцы Беларусі.
Як паведаміў апазіцыйны актывіст Вячаслаў Сіўчык, суд над прадпрымальнікамі быў закрытым. У залу суду не пусцілі апазіцыйных палітыкаў і праваабаронцаў.
Напісаць каментар (23)
Навіны
па тэме
