З пачатку года цана на паліва вырасла на 40%
2
9:29, — Эканоміка
Менскія дыспетчарскія службы таксі з 5 лістапада пачынаюць пераходзіць на новы тарыф – з Br 1100 за кіламетр да Br 1320, паведаміў дырэктар транспартнай асацыяцыі "Сталічнае таксі" Кастусь Кузьмянкоў.
"Розныя перавозчыкі пяройдуць на новы тарыф у розны час, па меры рэгістрацыі цаны Менгарвыканкамам, – сказаў Кастусь Кузьмянкоў. – Некаторы час неабходны і на перапраграмаванне лічыльнікаў. Таму нельга казаць, што з 5 лістапада праезд падаражэе ва ўсіх таксістаў. Паводле маёй інфармацыі, з гэтага дня могуць працаваць па цане Br1320 за кіламетр службы таксі 181, 161 і некаторыя іншыя".
Узрастае і мінімальны кошт праезду. Згодна з патрабаваннямі службаў таксі, па-за залежнасці ад адлегласці паездкі кліент абавязкова павінен аплаціць кошт пасадкі і не менш за тры кіламетры шляху. Раней гэтая сума складала Br 4950, цяпер – Br 5940.
Перавозчыкі ініцыявалі падвышэнне кошту праезду ў таксі ў сувязі з ростам цэнаў на гаруча-змазачныя матэрыялы і на тэхнічнае абслугоўванне аўтамабіляў. Па словах дырэктара асацыяцыі, з пачатку гэтага года цана на паліва вырасла прыкладна на 40%, у жніўні падаражэў праезд на грамадскім транспарце, паведаміла БелТА.
