Ці тое яшчэ будзе
2
13:03, — Эканоміка
Завінавачанасць насельніцтва Менска па аплаце камунальных паслуг на 1 кастрычніка 2007 года складала 6,2 млрд. рублёў. Пра гэта на прэс-канферэнцыі 9 лістапада паведаміў генеральны дырэктар дзяржаўнага вытворчага аб'яднання (ДВА) "Менская гарадская жыллёвая гаспадарка" Барыс Васільеў.
Паводле яго слоў, планавалася з 1 красавіка да 1 кастрычніка скараціць завінавачанасць у два разы (з 10,4 да 5,0 млрд. рублёў), "аднак гэтага не атрымалася". Б.Васільеў паведаміў, што 1,9 млрд. рублёў, або 30%, – гэта запазычанасць за перыяд да трох месяцаў. Разам з тым ён адзначыў, што "чым больш тэрмін завінавачанасці, тым больш складана грамадзянам яе гасіць". Так, завінавачанасць звыш трох гадоў складае 1,3 млрд. рублёў.
В.Барысаў паведаміў, што сёлета за няплату паслуг адсялілі з кватэр 17 сем'яў (у мінулым – 14). Былі дасланыя 209 тыс. папярэджанняў, наведанае з прадстаўнікамі міліцыі 15.430 кватэр, выдадзеныя 69 тысяч загадаў аб адключэнні вады, газу і святла. У суды пададзеныя 10.711 пазоваў на спагнанне даўгоў на 4 млрд. 215 тыс. рублёў.
Разам з тым Б.Васільеў адзначыў, што ДВА выканала ўсе мерапрыемствы па падрыхтоўцы камунальнай гаспадаркі горада да зімы. Адрамантаваныя 574 тыс. кв. метраў даху (100% плану), 400 тыс. метраў стыкаў сценавых панэляў (119%), 1.419 балконаў (101%), 1.877 пад'ездаў (108%), 256 тыс. кв. метраў фасадаў (151%). Праведзеная цеплавая рэабілітацыя на 341 тыс. кв. метраў (115%) і зашклёныя 32 тыс. кв. метраў (100%).
