У Дзень правоў челавека моладзь нагадала пра палітвязняў (Фота)
- 11.12.2007, 9:32
Каля дзесятка транспарантаў з патрабаваннем вызваліць палітычных вязняў Беларусі з'явілася амаль адначасова ў цэнтры Мінска 10 снежня. Акцыя прайшла ў прамежак часу паміж 17 і 18 гадзінамі. Актывісты грамадзянскай кампаніі "Jeans - за Свабоду!" прымеркавалі яе да Дня правоў чалавека.
Расцяжкі былі замацаваныя амаль на ўсіх мастах у межах другога кола Мінска - на Нямізе, Дружнай, Свярдлова, Магілёўскай, у раёнах чыгуначнага вакзалу і Універсітэта Культуры, на праспектах Дзяржынскага і Пушкіна.
