Артуру Фінькевічу ў суд выклікалі «хуткую»
2
11:15, — Палітыка
Хуткую медыцынскую дапамогу прыйшлося выклікаць у суд да палітвязня Артура Фінькевіча.
У падсуднага рэзка падвысіўся ціск. Як паведаміў прэс-цэнтру Хартыі’97 моладзевы лідэр Павал Севярынец, сёння Фінькевічу ўжо выклікалі «хуткую» у следчы ізалятар – у яго таксама ўзніклі праблемы з ціскам.
Медыкі аглядзелі актывіста, і суд працягнуўся.
Каля суду Кастрычніцкага раёна Магілёва, дзе пачаўся працэс па справе актывіста «Маладога Фронту», палітвязня Артура Фінькевіча, цяпер знаходзіцца каля 60 чалавек. Моладзевыя актывісткі апранутыя ў кашулі з словамі «Свабоду Фінькевічу!», трымаць у руках партрэты палітвязня і скандуюць «Свабоду!».
Нагадаем, што палітвязень Артур Фінькевіч абвінавачваецца ў парушэнні рэжыму адбывання пакарання на «хіміі» – яму пагражае да трох гадоў калоніі. На «хімію» актывіст патрапіў за графіці «Дастаў!» і «Мы хочам новага!».
