Пакаралі Лапухова
3
10:30, — Палітыка
Пакараны супрацоўнік міліцыі, які затрымаў лідэра гомельскай абласной арганізацыі Аб'яднанай грамадзянскай партыі Васіля Палякова. Гэта вынікае з пісьмовага адказу пракурора Савецкага раёна Гомеля Міхаіла Пруса на скаргу В.Палякова.
10 лістапада палітыка затрымаў участковы інспектар Савецкага РАУС Андрэй Лапухоў. Ён апытаў В.Палякова і канфіскаваў у яго 1.500 улётак – зваротаў да дэпутатаў. У друкаванай прадукцыі народным выбраннікам прапаноўвалася адчытацца ў сваёй дзейнасці. Пазней улёткі былі вернутыя.
Як паведаміў БелаПАН В.Палякоў, у адказе пракурора гаворыцца, што Савецкі РАУС правёў службовую праверку, у выніку якой "угледжаны склад дысцыплінарнай правіны". Участковаму інспектару абвешчана дысцыплінарнае спагнанне.
"Яго пакаралі не за тое, што ён мяне затрымаў і забралаў улёткі, а што зрабіў гэта неакуратна, парушыўшы закон, – лічыць В.Палякоў. – З другога боку, людзі даюць такія загады, што выканаць іх, не выходзячы за рамкі працэсуальных нормаў, немагчыма".
