Лявон Баршчэўскі – новы лідэр Партыі БНФ
12
10:25, — Палітыка
Партыю БНФ узначаліў Лявон Баршчэўскі – вядомы грамадскі дзяяч, выбітны перакладчык, былы намеснік старшыні Партыі БНФ, які выконваў абавязкі старшыні партыі пасля ад’езду з краіны Зянона Пазняка. Кандыдатуру Баршчэўскага падтрымалі два іншых кандыдата ў лідэры партыі Вінцук Вячорка і Алесь Міхалевіч, якія па вініках двух тураў выбараў так і не здолелі атрымаць неабходнай для перамогі колькасці галасоў. Яны знялі свае кандыдатуры, і сёння на з’ездзе ўжо ў трэці раз прайшло галасаванне. За Баршчэўскага прагаласавалі 211 з 242 дэлегатаў з’езда.
Новый старшыня партыі прапанаваў у свае намеснікі Вінцука Вячорку, Віктара Івашкевіча, Сяргея Мальчыка, Аляксея Янукевіча і Уладзімера Лабковіча.
Па выніках галасавання намеснікамі лідэра партыі сталі Вінцук Вячорка, Віктар Івашкевіч, Алесь Міхалевіч, Юрась Губарэвіч і Аляксей Янукевіч.
Нагадаем, што ў другім туры выбараў на з’ездзе Партыі БНФ лідэр партыі Вінцук Вячорка атрымаў 118 галасоў. Яго намеснік Алесь Міхалевіч – 110 галасоў. Агулам у з'ездзе ўдзельнічалі 242 дэлегата. Паводле статута, каб старшыня партыі лічыўся абраным, трэба, каб за яго прагаласавала 50% дэлегатаў +1 голас. Такім чынам, Вінцуку Вячорку не хапіла літаральна 4 галасоў.
Лявон Баршчэўскі
Нарадзіўся 4 сакавіка 1958 г. у Полацку.
1975 г. – паступіў у Менскі пэдагагічны інстытут замежных моваў на спэцыяльнасць нямецкая і ангельская мовы. Працаваў выкладчыкам нямецкай і ангельскай моваў у роднай школе №10 Полацку, потым у Наваполацкім політэхнічным інстытуце, паведамляе "Радыё Свабода".
1987 г. – скончыў асьпірантуру пры Менскім пэдінстытуце замежных моваў.
Кандыдат філялягічных навук.
1990-1995 гг. – Дэпутат Вярхоўнага Савету 12 скліканьня. Быў сябрам камісіі ў справах адукацыі, культуры і захаваньня гістарычнай спадчыны, а таксама сябрам Камісіі ў міжнародных справах і зьнешнеэканамічнай дзейнасьці.
1995 г. – намесьнік старшыні Беларускага народнага фронту “Адраджэньне”.
1996-1999 гг. – выканальнік абавязкаў старшыні.
Ад 1999 г. – дарадца старшыні Партыі БНФ.
Заснавальнік і намесьнік дырэктара Беларускага гуманітарнага ліцэя, які зараз працуе ў падпольлі. БГЛ зачынілі ў 2003.
У 1985 годзе Лявон Баршчэўскі разам з Сяргеем Шупам стварыў у Менску клюб маладых перакладчыкаў “Бабілён”.
Перакладаў Эсхіла, Пятрарку, Кафку, Брэхта, Ленаў, Бёля.
Перакладае са старажытнагрэцкай, лацінскай, нямецкай, ангельскай, францускай, польскай, гішпшанскай.
Паводле ўласнага прызнаньня, паэзію перакладаў больш як з трыццаці моваў, а прозу — больш як зь дзесяці. Бегла размаўляе на сямі мовах.
Баршчэўскі – Рэдактар сэрыі “Biblioteka bialoruska”, якая пачала выходзіць у 2006 годзе ва Ўроцлаве ў Калегіюме Ўсходняй Эўропы. У сэрыі ўжо пабачылі сьвет кнігі: “Калі рукаюцца душы” Васіля Быкава й Рыгора Барадуліна, дзьвюхмоўная кніга Андрэя Хадановіча “Сьвята Новага году", Уладзімера Арлова “Каханак Яе Вялікасьці”.
Адзін з апошніх перакладаў Баршчэўскага - манаграфія нямецкага дасьледніка Бернгард К'яры, якая мае назву "Штодзённасць за лініяй фронту: Акупацыя, калябарацыя і супраціў у Беларусі (1941-1944 г.)".
Фота -- nn.by
Напісаць каментар (12)
