У Магілёве пройдзе пікет напярэдадні Эўрапейскага Маршу
12:30, — Палітыка
У Магілёве група грамадзянаў мае намер 13 кастрычніка правесьці чатыры пікеты. Адпаведная заяўка 26 верасьня пададзена ў Магілёўскі гарвыканкам. Пікетаваньнем заяўнікі зьбіраюцца прыцягнуць увагу грамадзкасьці да 12 прапановаў Эўразьвязу ў наладжваньні стасункаў з афіцыйным Менскам.
Заяўку падпісалі актывісты Свабоднага прафсаюзу Беларускага Юры Новікаў ды Сяргей Фамін. Сярод заяўнікаў – кіраўнікі абласной арганізацыі партыі БНФ Рыгор Кастусёў, гарадзкой арганізацыі Аб’яднанай грамадзянскай партыі Сяргей Стральцоў, а таксама старшыня абласнога аргкамітэту ў стварэньні Партыі Свабоды і Прагрэсу Аляксандар Сілкоў, паведамляе “Радыё Свабода”.
Заяўнікі зьбіраюцца правесьці пікетаваньне на чатырох пляцоўках, тры зь якіх у цэнтры гораду і адна ў вызначым мясцовай уладай месцы. У кожным пікеце плянуецца ўдзел да дзесяці чалавек.
