15.01.2008

CPJ заклікае спыніць перасьлед журналістаў у Беларусі

12:28, — Палітыка

Міжнародная арганізацыя Камітэт абароны журналістаў (The Committee to Protect Journalists - CPJ) заклікаў ўлады Беларусі спыніць перасьлед незалежных журналістаў.

Кіраўнік CPJ Джоўл Сайман заявіў у Нью-Ёрку, што праваабарончая арганізацыя запалоханая нядаўнімі арыштамі і затрыманьнямі пазаштатных беларускіх рэпартэраў - фотакарэспандэнта Арсеня Пахомава (Наша Ніва), тэлежурналістаў Галіны і Ўладзімера Самойлавых, тэлеапэратара Валера Булдыкі, паведамляе “Радыё Свабода”.

У заяве CPJ гаворыцца, што гэтыя журналісты пацярпелі ад уладаў за асьвятленьне нядаўняй акцыі прадпрымальнікаў у Менску.

“Беларускія ўлады павінны спыніць перасьлед журналістаў за іх працу”, - заявіў Джоўл Сайман.

Ён таксама заклікаў беларускія ўлады вызваліць арыштаванага на 15 сутак Арсеня Пахомава і вярнуць назад канфіскаваную ў беларускіх калегаў апаратуру.

Напісаць каментар (0)

Навіны
па тэме

• Міліцыя схапіла журналістаў пасля інтэрв'ю з апазіцыйным палітыкам
• «Белтэлекам»: Магчыма, незалежныя сайты блакавалі іншыя арганізацыі
• Калі «Белсат» патрапіць у беларускія кабельныя сеткі?
• Аляксей Кароль: «Галоўная мэта Чаргінца – збанкрутаваць незалежную газету»