Зміцер Хведарук арыштаваны на 15 сутак
13:11, — Палітыка
Актывіст «Маладога Фронту» Зміцер Хведарук прысуджаны судом Цэнтральнага раёна Менска да 15 сутак арышту. Учора яго затрымалі проста ў зале суду, куды ён прыйшоў падтрымаць актывістаў, затрыманых 16 студзеня, у Дзень салідарнасці.
Па словах відавочцаў, пры затрыманні Хведарука збівалі супрацоўнікі АМАПу. Яны схапілі Хвеларука на выхадзе з будынка суду і кінулі галавой аб пол міліцэйскага «варанка». Ногі маладога чалавека засталіся на асфальце і тады міліцыянты пачалі дзвярыма іх запіхваць у машыну.
Бацькі арыштаваных, якія прыходзілі на суды, пачалі крычаць на вуліцы, каб выратаваць маладога чалавека. Міліцыянты нікому не дазволілі наблізіцца да машыны. Невядома, у якім стане Зміцер. Нядаўна ён выпісаўся з шпіталя, дзе знаходзіўся з чэрапна-мазгавой траўмай пасля таго, як яго збілі спецназаўцы падчас разгону дэманстрацыі «За незалежнасць!» 12 снежня.
Сёння актывіста абвясцілі ў судзе вінаватым у «дробным хуліганстве» і прысудзілі да 15 сутак арышту. Прысуд вынесла суддзя Таццяна Паўлючук.
У Цэнтральным РУУС цяпер знаходзіцца і актывіст грамадзянскай кампаніі «Джынс – за Свабоду» Мікіта Шуцянкоў, якога міліцыянты таксама схапілі ўчора каля будынка суду. Суддзя адправіла пратакол на дапрацоўку.
Навіны
па тэме
- Збітага АМАПам лідэра «Маладога Фронту» выпісваюць з шпіталя
- У шпіталі адмаўляюцца лячыць зьбітага АМАПам лідэра «Маладога Фронта»
- Збіты АМАПам лідэр «Маладога Фронту» знаходзіцца ў цяжкім стане
- Избитый ОМОНом лидер «Маладого Фронта» не может говорить из-за болевого шока (Фото)
- Александр Зинкевич: «По живому человеку омоновцы ходили ногами» (Фото)
