Міністэрства культуры вывучае біяграфію палітвязьня
1
8:52, — Палітыка
Днямі маладафронтаўцы атрымалі адказ па сваёй заяве-прапанове, пададзенай у Менскі гарадзкі Савет дэпутатаў аб перайменаваньні вуліцы савецкага вайсковага дзеяча І.Ўбарэвіча ў вуліцу самага маладога палітвязьня Беларусі, Артура Фінькевіча.
Адказ прыйшоў не з савету дэпутатаў, куды актывісты моладзевага нацыянальнага руху падавалі зварот, а зь Міністэрства культуры РБ, у які дзяржаўныя ворганы накіравалі запыт аб высьвятленьні асобы Артура Фінькевіча., паведамляе прэс-служба Маладога Фронту.
Супрацоўнікі Міністэрства культуры ў сваю чаргу патэлефанавалі па пазначаных у звароце кантактных тэлефонах, паведамілі аб тым, што, на вялікі жаль, ім не атрымалася знайсьці ва ўсіх вядомых ім даведніках інфармацыю аб зьняволеным маладафронтаўцы і папрасілі даслаць ім біяграфію аднаго зь лідэраў Маладога Фронту, Артура Фінькевіча.
Таксама прадстаўнікі Мін.культу паведамілі, што пасьля гэтага яны вымушаныя будуць склікаць адмысловую камісію па разглядзе пытаньня аб тым, каб адна з галоўных вуліцаў у менскім мікрараёне Чыжоўка, па якой жыў Артур да свайго зьняволеньня й дзе зараз жывуць маці й бабуля актывіста МФ, была названая ў гонар Артура Фінькевіча.
Навіны
па тэме
