У Салігорску забілі таксіста
10:14, — Крымінал
У Салігорску 24 студзеня быў забіты таксіст. На наступны дзень злачынцаў злавілі па "арыентоўцы" ў Вярхуціне Старадарожскага раёна. Імі апынуліся два маладыя чалавекі 1983 і 1986 гадоў нараджэння. На забойства вырашыліся, відаць, з мэтай завалодаць машынай.
Як паведамляе "Бюллетеньонлайн", па просьбе кліентаў кіроўца паехаў у вёску Міцявічы, якая знаходзіцца недалёка ад Салігорска. Забілі яго наўпрост у машыне, нават не выехаўшы з горада. Труп кінулі каля той вёскі, куды яны так "хацелі патрапіць". На целе выяўленыя два нажавыя раненні, у сэрца і ў вобласць бока, а таксама сляды удушша.
Здзейсніўшы забойства і пазбавіўшыся ад цела, маладыя людзі вярнуліся ў горад, і, прыхапіўшы з сабою сябра і дзяўчыну, адправіліся ў Любань. Ці ведалі іх пасажыры, у чыёй машыне едуць, невядома.
Вёска Міцявічы адыграла важкую ролю ў пайманні злачынцаў. Верагодна, яны змаглі б дабрацца да Любані, але каля вёскі ідзе рамонт дарогі. Там кіроўца-забойца не справіўся з кіраваннем. Далейшае перамяшчэнне на машыне апынулася немагчымым. Прыйшлося вярнуцца ў горад пешкі.
Машыну знайшлі працаўнікі ДАІ, прыбыўшыя на месца аварыі, пра якую ім паведамілі ці тое праязджаўшыя паблізу кіроўцы аўтамабіляў, ці тое жыхары самой вёскі. Недалёка ад месца аварыі знайшлі і цела таксіста.
Гэта ўжо не першы выпадак нападу на таксістаў сёлета. На пачатку студзеня працаўніка ўжо другога таксі кліенты спрабавалі задушыць па дарозе ў Старобін. Праўда, таму павезла больш. Ён здолеў выскачыць з машыны і выклікаць міліцыю. Злачынцаў тады затрымалі адразу ж. Праўда, за рамонт машыны ніхто таксісту грошай не вярнуў. Затое жывы застаўся.
