Шэраг беларускіх банкаў спынілі выдачу крэдытаў (Спіс)

Нестабільнасць на сусветных фінансавых рынках адбіваецца і на беларускіх банках. Некаторыя банкі ўжо прыпынілі выдачу крэдытаў на набыццё аўтамабіляў і нерухомасці.

Атрымаць крэдыт на набыццё аўтамабіля ў "БПС-Банку" і "МТБанк" не атрымаецца як мінімум да наступнага года, а ў "БТА-Банку" і "Белаграпрамбанку" паведамілі, што выдача дадзеных крэдытаў спыненая на нявызначаны тэрмін, перадае «Інтэрфакс».

Некаторыя банкі не прыпынілі выдачу дадзеных крэдытаў, але ўвялі дадатковыя абмежаванні, напрыклад "Белзнешэканомбанк" выдае крэдыты толькі на куплю новых аўтамабіляў, а ў "Парытэтбанку" аўтакрэдыт, па словах кансультанта, можна ўзяць "тэарэтычна".

Крэдыты на куплю (будаўніцтва) нерухомасці часова перасталі выдаваць: "БПС-Банк", "Белзнешэканомбанк" і "Белгазпрамбанк".

Сур'ёзна змяніліся ўмовы прадастаўлення дадзенага крэдыту ў "Парытэтбанку" (толькі пад даручальніцтва, сукупны прыбытак сям'і не разглядаецца) і ВТБ (Беларусь) - частка уласных сродкаў пры набыцці жылля павялічылася з 10-20% да 30-50%.

Акрамя прыпынення крэдытных праграм крызіс адбіўся і на велічыні адсоткавых ставак па крэдытах, што атрымліваюцца зноў. Калі ўсяго некалькі месяцаў таму атрымаць крэдыт на набыццё аўтамабіля можна было ў сярэднім пад 11-13% гадавых (у валюце) або 16-18% (у Br), то цяпер сярэдняя адсоткавая стаўка па крэдытах у валюце і ў беларускіх рублях роўная 18-20% гадавых, прычым у некаторыя банкі выдаюць крэдыты пад 23-24% гадавых.

19 лістапада «Беларусбанк» павялічыў адсоткі па крэдытах. За крэдыт у «Беларусбанку» на спажывецкія патрэбы тэрмінам да трох гадоў - неабходна будзе выплаціць 19% гадавых у беларускіх рублях і 16% - у валюце.

Таксама павялічыліся стаўкі на крэдыты, якія прадастаўляюцца на іншыя мэты – напрыклад, будаўніцтва. Тыя, хто не прэтэндуе на ільготныя крэдыты, будзе плаціць 20% гадавых «за фактычны час карыстання крэдытам».

Крэдыты (асабліва на жыллё) і раней не былі даступныя для шматлікіх беларусаў, зараз жа браць у крэдыт буйную суму, падобна, наогул не варта.