У Менску знайшлі выбуханебяспечны пакет

Група працоўных падчас ачысткі рэчышча Сляпянскай воднай сістэмы недалёка ад перакрыжавання вуліц Філімонава і Кядышкі натыкнулася на невялікі белы пакет.

У пакеце знаходзіліся прадметы, вельмі падобныя на боепрыпасы. Працоўныя выклікалі міліцыю.

— У пакеце мы знайшлі трацілавую і дымавую шашкі, тры шумавых імітатара разрыва артылерыйскага снарада і два імітатара міны, якія выкарыстоўваюцца пры правядзенні вайсковых вучэнняў, — распавёў «Советской Белоруссии» старэйшы інжынер выбухатэхнічнага цэнтра ўнутраных войскаў МУС Дзмітрый Гаўрук, які выязджаў на размініраванне. — Яшчэ адзін невялікі шумавы імітатар нашы спецыялісты знайшлі пры наступным абследаванні вадаёма.

Чаму небяспечны пакет апынуўся ў канале, яшчэ маецца высвятліць. Але, па словах спецыялістаў, да знаходак часоў войны гэтыя выбуховыя рэчывы не адносяцца. Затое захавалася маркіроўка. Па ёй, магчыма, і змогуць усталяваць уладальніка.