Чавес асвоіць Антарктыду

Прэзідэнт Венесуэлы Уга Чавес анансаваў пачатак экспедыцыі венесуэльскіх вайскоўцаў і навукоўцаў у Антарктыду. Акрамя паездкі, запланаванай на 16 лютага, ён мае намер стварыць на кантыненце пастаянную навуковую базу, паведамляе агенцтва Associated Press.

У рамках экспедыцыі мяркуецца правесці вывучэнне марской фаўны вод Антарктыкі, правесці падводныя тапаграфічныя працы, скласці гідралагічныя карты. Сярод задач, пастаўленых перад навукоўцамі, міністр па справах навукі і тэхналогіі Венесуэлы Эктар Наварра (Hector Navarro) асобна адзначыў вывучэнне праблемы змянення клімату ў Антарктыдзе.

Урад Венесуэлы адпраўляе групу з 15 навукоўцаў і некаторай колькасці вайскоўцаў. Даследнікаў даставяць у Монтавідэа, адкуль яны на уругвайскім караблі Oyarvide адправяцца на антарктычную базу Хенераль Арцігас (General Artigas), якая належыць таксама Уругваю. Усяго за 45 дзён экспедыцыі Чавес заплаціць уругвайцам 558 тысяч даляраў.