У калёніі ўзмацніўся ціск на Аляксандра Казуліна
6
9:26, — Палітыка
У калёніі “Віцьба-3” 13 лютага адбылося кароткатэрміновае спатканьне Аляксандра Казуліна з дочкамі.
Спатканьне Аляксандра Казуліна з дочкамі Вольгай і Юляй доўжылася ўсяго дзьве гадзіны. “Закон дазваляе працягласьць спатканьня і чатыры гадзіны, але адміністрацыя калёніі дала ўдвая меншы тэрмін. Гэта адлюстроўвае цяперашнія адносіны адміністрацыі да таты”, — заявіла Вольга Казуліна пасьля спатканьня, паведамляе “Радыё Свабода”.
Пра свае першыя ўражаньні дочкі палітыка распавялі праваабаронцы Раісе Міхайлоўскай, па словах якой, “цяпер адносна Казуліна ўжыты ціск, якога раней не было. Яго ўвесь час абшукваюць, шукаюць нейкія тэлефоны, сім-карты і нешта іншае. У яго забралі электраплітку і сокавыціскалку. Гэта яны матывуюць тым, што ён з галадоўкі выйшаў і нібыта можа харчавацца, як усе, у сталоўцы. Трымаецца ён добра, мужна. Пры гэтым лічыць, што шанцы ў яго на датэрміновае вызваленьне “ніякія”. Ён лічыць, што ягоны арышт – асабістая помста Лукашэнкі, і той яго ніколі не адпусьціць. Тое, што яго не зьбіраюцца адпускаць, ён адчувае і з таго, як паводзіць сябе адміністрацыя”, - падкрэсьліла праваабаронца.
Паводле дачок Аляксандра Казуліна, у калёніі працягваецца штучная ізаляцыя палітыка ад іншых вязьняў. Тым, хто спрабуе кантактаваць з Аляксандрам Казуліным, адміністрацыя пагражае або цісьне на іх па-іншаму.
Аляксандар Казулін прызнаў, што апошнім часам адчуў і праблемы з ліставаньнем – шмат лістоў да яго не даходзяць або даходзяць з купюрамі.
25 сакавіка будзе два гады, як былога кандыдата на прэзыдэнта Аляксандра Казуліна трымаюць у вязьніцы. Палітыка асудзілі на 5,5 гадоў зьняволеньня за арганізацыю акцый пратэста супраць фальшьваньня вынікаў прэзідэнцкіх выбараў. Сваёй віны Аляксандар Казулін не прызнае і тлумачыць перасьлед палітычнымі прычынамі. Аляксандр Казулін прызнаны палітычным вязьнем.
Навіны
па тэме
- Старшыня ПАРЕ: «Вызваленне ўсіх палітвязняў – наша цвёрдае патрабаванне»
- Ці вызваляць Аляксандра Казуліна?
- Татьяна Климова: «Я надеюсь, что здравый смысл победит и на свободу выйдут все политзаключенные»
Закладкі
