Рональд Пофала: «Уся Эўропа трымае пад увагай дыктатарскія падкопы беларускіх уладаў»
13:36, — Палітыка
Генэральны сакратар Хрысьціянска-Дэмакратычнага Саюзу Нямеччыны Рональд Пофала заклікаў беларускія ўлады спыніць перасьлед дэмакратычнай апазыцыі і гарантаваць грамадзянам права на свабоду слова, мітынгаў ды сходаў.
Заява зробленая адразу пасьля ўчорашняга затрыманьня лідэра руху “За свабоду” Аляксандра Мілінкевіча, паведамляе “Радыё Свабода”.
“Цяперашнія беларускія ўлады ўлучна з кіраўніком краіны павінны ведаць, што ўся Эўропа трымае пад увагай іхныя дыктатарскія падкопы і не забываецца пра іх. Свабода сама пракладзе сабе дарогу. І тыя, хто становіцца перашкодай на гэтым шляху, павінны падумаць пра адказнасьць”, — гаворыцца ў распаўсюджанай прэс-цэнтрам ХДС заяве.
“Нашы сябры ад дэмакратычнай апазыцыі Беларусі павінны ведаць: і ХДС, і асабіста я знаходзімся на іх баку. У часе шматлікіх наведваньняў Беларусі я адчуў цяжкую атмасфэру дыктатуры”, -- падкрэсьлівае Рональд Пофала.
Па словах палітыка, нямецкіх дэмакратаў ня можа задаволіць тое, што на адлегласьці некалькіх гадзін авіяпералёту на ўсход ад Бэрліну можна адчуць сапраўдную зьнявагу грамадзянскіх правоў.
Навіны
па тэме
