ААН і Еўразвяз асуджаюць акты гвалту ў Бялградзе (фота, відэа падзеяў у Сэрбіі)
8
14:34, — У свеце
Рада Бяспекі ААН аднагалосна асудзіла напад разлютаванага натоўпу на будынак амерыканскай амбасады і іншых дыпмісій у Бялградзе. Рада Бяспекі заявіла, што Сербія абавязаная выконваць абавязальніцтвы па абароне дыпламатычных прадстаўніцтваў.
Разам з тым, цяперашні старшыня Рады Бяспекі, прадстаўнік Панамы ў ААН Рыкарда Арыас, заявіў, што Рада Бяспекі вітае "крокі, распачатыя сербскімі ўладамі для аднаўлення парадку і абароне дыпламатычнай уласнасці і супрацоўнікаў".
З аналагічнай заявай выступіў Еўразвяз. У заяве, у прыватнасці, падкрэсліваецца, што Еўразвяз лічыць "цалкам непрымальнымі" акты гвалту, якія адбыліся ў мінулую ноч у Бялградзе, дзе акцыя пратэсту супраць аднабаковага абвяшчэння незалежнасці Косава перарасла ў масавыя беспарадкі. Заяву ЕЗ агучыў у пятніцу Вярхоўны прадстаўнік ЕЗ па агульнай знешняй палітыцы і палітыцы бяспекі Хаўер Салана.
Вялікай групе моладзі, якая брала ўдзел у шматтысячным мітынгу пратэсту ў цэнтры Бялграда супраць абвяшчэння незалежнасці Косава, атрымалася прабіцца праз кардоны паліцыі ў раён, дзе знаходзяцца амбасады замежных дзяржаў.
Было падпаленае памяшканне консульскага аддзела амбасады ЗША, у якім у той момант нікога не было і якое не ахоўвалася сербскай паліцыяй. У самім будынку знаходзіліся толькі супрацоўнікі службы бяспекі амбасады і некалькіх марскіх пяхотнікаў. Паведамляецца таксама пра тое, што на месцы пажару абгарэлага цела, удакладняецца асоба загінуўшага.
Паводле інфармацыі Бі-бі-сі, нападам таксама падвергнуліся амбасады Вялікабрытаніі, Харватыі, Турэччыны і шэраг аб'ектаў гандлю, у прыватнасці, рэстарацыя McDonalds і крама Levi's. Падчас беспарадкаў былі збітыя два журналісты расейскага тэлеканала Russia Today.
Паводле апошніх паведамленняў, у выніку сутыкненняў паміж групамі маладых людзей і паліцыяй пацярпелі 96 чалавек, у тым ліку 32 паліцыянты.
Фота yahoo.com
Навіны
па тэме
