Відэа. Ірына Казуліна
7:20, — Палітыка
Вашай увазе прапаноўваюцца фрагменты відэафільма пра сям’ю палітыка, знятага на пачатку гэтага года, напярэдадні спаткання Ірыны Казулінай і дачок з Аляксандрам Казуліным у калоніі.
У фільме Ірына Казуліна, у прыватнасці, успамінае кароткатэрміновае спатканне з мужам у мінулым годзе, на 37-ы дзень яго галадоўкі пратэсту. "У той момант, – распавядала яна, – для мяне было важна, каб ён хаця б пачаў есці. Разумееце – што ён у турме, што яму цяжка – усё глупства. Галоўнае, каб еў… Так што сёлета, у параўнанні з мінулым, я практычна шчаслівая. Вось такія парадоксы жыцця".
У адным з інтэрв'ю Ірына Іванаўна падзялілася: "Я люблю адкрытасць і сумленнасць. Я лічу, што светам павінна кіраваць дабро. На жаль, цяпер адбываецца ўсё наадварот. Гэта мяне вельмі засмучае. Нават бываюць моманты, калі ў мяне апускаюцца рукі. Але раніцай прачынаюся і разумею, што трэба працаваць незалежна ад акалічнасцяў. Калісьці ў дзяцінстве мяне ўразіла вядомая казка пра жабу, якая лапкамі ўзбіла вяршкі і выбралася з гарлача. Імкнуся паступаць гэтаксама".
Відэа БелаПАН
Навіны
па тэме
