МЗС: Мінулы год быў няпростым праз санкцыі ЗША і больш жорсткую пазіцыю з боку Расеі
8
11:44, — Палітыка
Мінулы год быў няпростым для Беларусі праз шэраг знешніх выклікаў эканамічнага характару, заявіў 27 лютага, адкрываючы пасяджэнне калегіі МЗС Беларусі, кіраўнік знешнепалітычнага ведамства Сяргей Мартынаў.
Сярод гэтых выклікаў ён назваў павелічэнне кошту нафты і газу для Беларусі, больш жорсткую пазіцыю ў дачыненні доступу на расейскі рынак беларускіх тавараў. Асобна міністр адзначыў выключэнне Беларусі з Генеральнай сістэмы прэферэнцый ЕЗ і ўвядзенне Злучанымі Штатамі эканамічных санкцый супраць канцэрна "Белнафтахім".
Міністр адзначыў, што сённяшняе пасяджэнне калегіі з'яўляецца важным працоўным мерапрыемствам, на якім неабходна падвесці і прааналізаваць вынікі 2007 года і вызначыць галоўныя задачы на гэты год. "Вынікі працы МЗС у 2007 годзе закліканыя закласці падмурак нашай дзейнасці на гэты год", – сказаў ён.
У пасяджэнні калегіі ўдзельнічаюць прэм'ер-міністр Сяргей Сідорскі, віцэ-прэм'ер Андрэй Кабякоў, прадстаўнікі адміністрацыі прэзідэнта, “нацыянальнага сходу”, кіраўнікі замежных устаноў, органаў дзяржаўнага кіравання і найбуйнейшых беларускіх прадпрыемстваў.
Навіны
па тэме
