Моладзь заклікае выказаць салідарнасьць з Казуліным на Кастрычніцкай плошчы
9
10:21, — Палітыка
Моладзь БНФ прапануе выказаць салідарнасьць з палітвязьням Аляксандрам Казуліным 16 сакавіка на Кастрычніцкай плошчы і заклікае дэмактарычныя сілы Беларусі і ўсіх неабыякавых людзей падтрымаць гэтую ініцыятыву.
“Усе мы ведаем сытуацыю, якая склалася вакол экс-кандыдата ў прэзыдэнты Рэспублікі Беларусь Аляксандра Казуліна. Разумеем і тое, што менавіта зараз, як ніколі, гэтаму мужнаму чалавеку і яго сям'і патрэбная нашая падтрымка”, - вядзецца ў звароце, распаўсюджаным ад імя арганізацыі Моладзь БНФ.
Сярод іншага ў звароце згадваецца, што ў гэтым годзе ня толькі праз палітычны гандаль з Захадам, але й не ў апошнюю чаргу дзякуючы грамадзянскай салідарнасьці былі вызваленыя амаль усе палітвязьні. У той час як Аляксандр Казулін застаецца закладнікам асабістай помсты Лукашэнкі.
У сувязі з гэтым Моладзь БНФ прыняла рашэньне выказаць салідарнасьць з Аляксандрам Казуліным 16 сакавіка ў 18:00 на Кастрычніцкай плошчы і запрашае ўсіх далучыцца да гэтай акцыі.
Навіны
па тэме
