Аляксандр Казулін узнагароджаны ордэнам Кастуся Каліноўскага
5
10:09, — Палітыка
Такое рашэнне прыняў камітэт па ўзнагародах аб'яднання “Спадчына”. Першым ордэнам нядаўна быў узнагароджаны лідэр “Маладога фронту” Зміцер Дашкевіч.
У сувязі з 90-годдзем БНР прынятае рашэнне аб узнагароджанні рознымі ўзнагародамі цэлага шэрагу вядомых у краіне і за яе межамі людзей.
Так, срэбным пярсцёнкам з гербам "Пагоня" ўзнагароджваюцца: Фёдар Нюнька, вядомы дзеяч Саюза беларусаў Літвы, а таксама мастак Леанід Шчамялёў.
Медалём Цёткі (Алаізы Пашкевіч) – за актыўны і самаадданы ўдзел у праваабарончым руху і вызваленні палітвязняў узнагароджаныя: Вольга Казуліна (дачка палітвязня) і Надзея Сармант.
Медалём Льва Сапегі ўзнагароджаны каардынатар Хартыі'97 Андрэй Саннікаў – "за паслядоўнае адстойванне ідэалаў незалежнасці".
Медалём Васіля Быкава "За праўду ў творчасці" ўзнагароджаныя Алесь Пашкевіч (за кнігу "Пляц Волі" і Алесь Рыбак (за стварэнне дылогіі "Трэба было жыць" і "Галаброды").
Акрамя таго, 24 чалавекі, якія працавалі ў "Камітэце-37", узнагароджаныя медалём "Абаронцу пакутнікаў Беларусі”.
