Пасля затрыманьня «Народную волю» і «Товарищ» накіравалі ў Менск
5
16:28, — Палітыка
Машыну з тыражамі газет “Народная воля” і “Товарищ” у 14.30 адпусцілі з дубровенскага райаддзела міліцыі. Зараз яна выязджае ў Менск.
Нагадаем, што па дарозе з тыпаграфіі з Смаленску былі затрыманыя наклады незалежных газэтаў “Народная воля” і “Товарищ”.
Намесьнік галоўнага рэдактара газэты “Товарищ” Зьміцер Яненка распавёў «Радыё Свабода»:
“Як звычайна, у сераду мы везьлі адной машынай чарговыя нумары дзьвюх газэтаў – нашай і “Народнай волі” са Смаленску, дзе іх друкуюць у тыпаграфіі. Як толькі машына ўехала на беларускую тэрыторыю, яе затрымалі супрацоўнікі ДАІ. Пасьля 40-хвіліннай праверкі дакумэнтаў кіроўцу машыны загадалі ехаць у Дубровенскі РАУС”.
Зьміцер Яненка таксама паведаміў, што пакуль ніякіх канкрэтных прычынаў затрыманьня міліцыянты не называюць. Ён лічыць, што затрыманьне зьвязанае з акцыямі, прысьвечанымі сьвяту 25-га сакавіка.
