Падвышэнне памеру арэнднай платы можа знішчыць 1000 арганізацый
1
10:45, — Палітыка
Рада "Таварыства беларускай мовы імя Францішка Скарыны" заявіла пра пагрозу далейшаму існаванню гэтай арганізацыі.
У сваім звароце да грамадзян Беларусі яна паведамляе, што з 24 сакавіка ўступае ў сілу ўказ прэзідэнта, у адпаведнасці з якім нашмат падвышаецца памер арэнднай платы для большасці грамадскіх недзяржаўных арганізацый, якія не займаюцца камерцыйнай дзейнасцю.
Рада ТБМ сцвярджае, што за памяшканне менскага офіса па вуліцы Румянцава, 13 трэба будзе плаціць 846,5 еўра ў месяц. Аўтары звароту адзначаюць, што з прычыны падвышэнні арэнднай платы ў краіне можа спыніць сваю дзейнасць больш як тысяча грамадскіх аб'яднанняў, якія складаюць грамадзянскую супольнасць.
У сувязі з гэтым Рада ТБМ, з аднаго боку, просіць сваіх прыхільнікаў прысылаць ахвяраванні, з другога – заклікае людзей пісаць лісты ў дзяржаўныя органы з патрабаваннем захаваць паніжаючы каэфіцыент 0,1 за 1 квадратны метр плошчы на аплату арэнды памяшканняў для ўсіх недзяржаўных і некамерцыйных грамадскіх арганізацый, дзейных у Беларусі.
Закладкі
