Улады хаваюць сляды зверства АМАПу?
1
14:10, — Палітыка
З'явілася інфармацыя, што тых, хто найбольш моцна быў збіты падчас учорашніх затрыманняў будуць судзіць проста ў следчым ізалятары на вуліцы Акрэсціна.
Відавочцы сцвярджаюць, што і без таго гледзішча ў беларускіх судах сёння не для слабанервных. У прыватнасці, у Артура Фінькевіча, суд над якім ідзе ў гэтыя хвіліны, проста суцэльная крывавая пляма на ўсёй правай частцы твару.
Як паведамляе «Белорусский партизан», у судзе Савецкага раёна тут зрабілі ўсе, каб сваякі і сябры не змаглі бачыць затрыманых. Больш за тое, частку людзей з гэтага суду пару хвілін таму вывезлі ў суд Завадскога раёна горада Менска. У выніку сітуацыя ізноў заблыталася, і невядома, каго і дзе судзяць.
