Беларускія «палатнікі» паспяшаліся прызнаць расейскія выбары
3
14:08, — Палітыка
Выбары прэзідэнта Расеі цалкам адпавядалі міжнародным нормам. Пра гэта заявіў на прэс-канферэнцыі ў Маскве старшыня Пастаяннай камісіі па міжнародных справах і нацыянальнай бяспекі «савета рэспублікі» «нацыянальнага сходу» Беларусі Мікалай Чаргінец.
Ён узначальвае групу назіральнікаў ад Парламенцкага сходу «саюза» Беларусі і Расеі, якое ўваходзіла ў склад місіі ад СНД.
Мікалай Чаргінец падкрэсліў, што ад Беларусі за ходам прэзідэнцкіх выбараў у Расеі сачылі дасведчаныя назіральнікі, якія раней вялі маніторынг на выбарах не толькі ў краінах СНД, але і ў ЗША, Вялікабрытаніі, Польшчы, Сербіі і іншых дзяржавах. Падчас цяперашніх выбараў яны пабывалі на ўчастках для галасавання ў Маскве, Казані, Краснадары, а таксама ў Калужскай і Маскоўскай абласцях.
Мікалай Чаргінец пацвердзіў агульныя высновы назіральнікаў ад СНД, што выбары прэзідэнта Расеі прайшлі ў строгай адпаведнасці з Канстытуцыяй і расейскім заканадаўствам.
"Перадвыбарная сітуацыя была значна спакайнейшай, чым перад думскімі выбарамі, – распавёў ён. – У той самы час, агітацыйная праца кандыдатамі вялася ў поўнай меры".
Мікалай Чаргінец адзначыў «спакойную і дзелавую» атмасферу, якая назіралася ў Расеі падчас выбараў. "Імпанавала, што ЦВК Расеі змог адкрыць выбарчыя ўчасткі ў аэрапортах, на вакзалах і на памежных пераходах", – дадаў ён.
Мікалай Чаргінец выказаў расчараванне тым фактам, што на выбары прэзідэнта Расеі адмовіліся прыехаць назіральнікі ад БДІПЧ АБСЕ і Парламенцкай Асамблеі АБСЕ. На яго думку, гэты факт сведчыць пра працягненне ўжывання практыкі падвойных стандартаў. "Нам трэба таксама падумаць з свайго боку над узаемаадносінамі з АБСЕ, якая так выбарча ставіцца да выбараў", – падкрэсліў Мікалай Чаргінец.
Напрыканцы ён павіншаваў Дзмітрыя Мядзведзева з перамогай на выбарах прэзідэнта Расеі.
Навіны
па тэме
- Медведев сыграл в «древнем красивом обычае». Шутки о выборах в России (Видео)
- ПАРЕ: Выбары Мядзведзева паставілі пад сумнеў свабоду выбаршчыкаў
- Михаил Касьянов: «Сегодня в России умерла демократия, конституцию предали»
Закладкі
