Узбуджаная крымінальная справа супраць экс-кіраўніка «Беларускай нафтавай кампаніі»
3- 31.03.2008, 9:30
Генеральнай пракуратурай Беларусі ўзбуджаная крымінальная справа ў дачыненні былога генеральнага дырэктара СААТ «СП «Беларуская нафтавая кампанія груп інвест».
Як паведамілі «Ежедневнику» ў генпракуратуры, былы дырэктар падазраецца ў крадзяжы сродкаў прадпрыемства, здзейсненым шляхам злоўжывання службовымі паўнамоцтвамі ў буйным памеры. Паводле папярэдніх дадзеных, у лістападзе 2007 года жыхар Менска, з'яўляючыся генеральным дырэктарам СП «Беларуская нафтавая кампанія груп інвест», выкраў з касы прадпрыемства 7,9 млн рублёў. Крадзеж, нібыта, быў здзейснены шляхам падробкі подпісаў працаўнікоў, за якіх дырэктар атрымаў грашовую ўзнагароду.
Па дадзеным факце Генеральнай пракуратурай была ўзбуджаная крымінальная справа па ч.3 арт.210 КК РБ (крадзеж шляхам злоўжывання службовымі паўнамоцтвамі, здзейснены ў буйным памеры).
