Польшча скарачае фінансаваньне для «Белсата»
12
13:41, — Свабода слова
У пятніцу міністар замежных спраў Польшчы Радаслаў Сікорскі заявіў, што аплоціць Белсату кошт забранага беларускай міліцыяй абсталяваньня. Пра гэты ягоны жэст паведамлялі сродкі масавай інфармацыі. Аднак адначасова стала вядома пра дзіўнае рашэньне – скраціць фінансаваньня тэлеканала “Белсат”.
— Паводле папярэдніх разьлікаў, дапамога беларускім журналістам складзе 50—70 тысяч злотых (25—30 тысяч даляраў), — сказаў Польскай агенцыі прэсы (РАР) прэсавы сакратар МЗС Пётар Пашкоўскі.
Аднак у той самы дзень на пісьмовы стол члена праўленьня Польскай тэлевізіі (TVP) Славаміра Сіўка лёг ліст, датаваны 17 сакавіка, у якім МЗС паведамляе, што вылучае сёлета “Белсату” на 3 мільёны злотых (каля 1,4 мільёна даляраў) меней, чым плянавалася: 18 мільёнаў злотых (8 мільёнаў даляраў) замест 21 мільёна злотых — і гэта канчатковая сума.
Кошт дзейнасьці “Белсату” сёлета ацэньваўся ў суму каля 27 мільёнаў злотых. Акрамя грошай з МЗС, чакалася, што 6 мільёнаў вылучаць замежныя партнэры. На пытаньне пра прычыны зьмяншэньня фінансаваньня каналу МЗСам, Пётар Пашкоўскі адказаў толькі: «Я ня ў курсе».
Каб рабіць канал для Беларусі пры зьменшаным бюдэце, TVP будзе вымушаная пайсьці на скарачэньне часу трансьляцыі, паведаміла “Наша Ніва”.
Напісаць каментар (12)
