Рада Бяспекі ААН робіць больш жорсткімі санкцыі супраць Ірана

Рада Бяспекі ААН большасцю галасоў ухваліла рэзалюцыю, якая робіць больш жорсткімі санкцыі ў дачыненні Ірана. Як перадае ІТАР-ТАСС, за дакумент прагаласавалі 14 дэлегацый. Прадстаўнік Інданезіі пры галасаванні ўстрымаўся.

Дакумент уключае ў сябе шэраг забарон, у тым ліку на замежныя паездкі асоб, якія ўдзельнічаюць у распрацоўцы іранскай ядзернай праграмы. У гэты спіс пакуль уваходзіць пяць чалавек. У ім прапаноўваецца таксама замарозіць актывы шэрагу прыватных асоб і кампаній, уцягнутых у дзейнасць іранскай ядзернай галіны. Акрамя таго, у праекце рэзалюцыі ўтрымліваецца заклік да ўсіх дзяржаў "выказваць пільнасць" пры вядзенні фінансавых спраў з Іранам, у тым ліку ў пытаннях крэдытавання і страхавання.

Рада пастанавіла таксама надглядаць грузы, якія ідуць у Іран і з Ірана іранскімі авія- і суднаходнымі кампаніямі "пры наяўнасці разумных падстаў меркаваць, што дадзены лятальны апарат або судна перавозіць тавары", забароненыя рэзалюцыямі РБ ААН.

Разам з тым у рэзалюцыі падкрэсліваецца "прыхільнасць краін "шасцёркі" Кітая, Францыі, Нямеччыны, Расеі, Вялікабрытаніі і ЗША працягу дыпламатычных намаганняў па аднаўленні дыялогу" з Іранам для знаходжання "ўсёабдымнага, працяглага і правільнага развязання" сітуацыі.

Рада за апошнія два гады тройчы прымала рэзалюцыі, якія ўводзяць, а пасля робяць больш жорсткімі антыіранскія санкцыі. Так, у снежні 2006 года ў РБ ААН была прынятая рэзалюцыя, якая ўводзіць пэўныя абмежаванні і забароны ў дачыненні Тэгерана за яго нежаданне спыніць сваю ядзерную праграму. У ёй, у прыватнасці, забаранялася пастаўляць у Іран матэрыялы і абсталяванне, якія могуць быць скарыстаныя для распрацоўкі ядзернай зброі і сродкаў яго дастаўкі. РБ ААН таксама патрабаваў ад усіх дзяржаў замарозіць грашовыя сродкі 12 іранскіх грамадзян і 11 юрыдычных асоб, якія маюць дачыненне да "дзейнасці, што ставіць пад пагрозу рэжым нераспаўсюджання ядзернай зброі".

Пасля ўвесну 2007 года Рада аднагалосна ўхваліла другую рэзалюцыю, якая робіць больш жорсткімі санкцыі. Гэты дакумент прадугледжвае забарону на падаванне пазык Ірану па лініі ўрадаў, а таксама эмбарга на экспарт Іранам узбраенняў. Акрамя таго, ён уключае ў сябе спіс іранскіх прыватных асоб, кампаній і ўстаноў, чые рахункі за мяжой павінны быць замарожаныя з прычыны іх дачынення да развіцця іранскай ядзернай праграмы.