Анатоль Красуцкі: «Лукашэнка ж загадзя аб гэтым абвясьціў»
6
18:30, — Палітыка
Намесьнік старшыні камісіі міжнародных справаў у «палаце прадстаўнікоў» Анатоль Красуцкі пракамэнтаваў «Радыё Свабода» рэкамэндацыі беларускага МЗС выслаць амбасадара ЗША з Беларусі.
“Гэта цалкам прымальныя ў дыпляматычнай практыцы захады. У дадзеным выпадку Лукашэнка загадзя абвясьціў, што калі будуць зробленыя дадатковыя захады, Беларусь адрэагуе адэкватна. На гэта нас вымусіў амэрыканскі бок. Калі захады былі ўжытыя амэрыканцамі, наш урад вызначыўся ў такой форме.
Ня бачу ніякай трагедыі і ня бачу ніякага надзвычайнага здарэньня. Пачатак гэтых дзеяньняў быў пакладзены не беларускім бокам, а амэрыканскім. Былі спробы знайсьці кампраміс, але, на жаль, гэта не атрымалася. Гэты крок у пэўнай ступені вымушаны, і ўрэшце, магчыма, ён паспрыяе пошуку нейкага ўзаемнага кампрамісу. На гэта, паўтаруся, вымусіў нас амэрыканскі бок, гэта першапачаткова былі ня нашы дзеяньні”, -- заявіў “палатнік”.
