Андрэас Херкель: трэба памяняць «антырэвалюцыйны» закон
2
11:33, — Палітыка
Дэпутат Парлямэнцкай асамблеі Рады Эўропы Андрэас Херкель (Эстонія) у інтэрвію «Радыё Свабода» заявіў, што мяркуе выступіць ад імя народнай партыі Эўропы падчас абмеркаваньня дакладу Хрыстаса Пургурыдэса.
Сп. Херкель заявіў, што даклад спадара Пургурыдэса “вельмі добры і зьмяшчае адэкватныя прапановы”. Адметна тое, што беларускія ўлады адмовіліся ад супрацоўніцтва са спадаром Пургурыдэсам, калі ён рыхтаваў гэты даклад. Аднак, паводле спадара Херкеля, прызначаць дакладчыкаў будзе Рада Эўропы, і спадар Пургурыдэс змог правесьці добрую працу, нават не наведваючы краіну.
Спадар Херкель нагадаў, што калі сам рыхтаваў даклад па выніках прэзыдэнцкіх выбараў у Беларусі ў 2006 годзе, пакет “антырэвалюцыйных” законаў быў адным з асноўных пунктаў:
“Гэта вельмі добра, што Пургурыдэс меў магчымасьць распрацаваць гэтую тэматыку. Бо апошнія злоўжываньні ў гэтай сыстэме адбыліся яшчэ нядаўна. Справаздача зробленая добра. Каб мець больш дэмакратычнае заканадаўства, трэба памяняць гэты “антырэвалюцыйны” закон. А з усіх, хто быў паводле яго пакараны, гэтае пакараньне трэба зьняць”.
