МУС пачаў распрацоўку новых кіроўчых пасведчанняў
1
10:52, — Аўто
Міністэрства ўнутраных справаў Беларусі пачало распрацоўку новых узораў кіроўчых пасведчанняў.
Пра гэта сёння ў Менску паведаміў журналістам намеснік міністра ўнутраных справаў - начальнік галоўнага ўпраўлення грамадскай бяспекі і спецыяльнай міліцыі, генерал-маёр міліцыі Віктар Філістовіч.
Па ягоных словах, плануецца, што канчатковы варыянт новага кіроўчага пасведчання з'явіцца да 2011 году. У параўнанні з цяперашнім яно будзе мець дадатковую ступень абароны.
У дадатак, новыя кіроўчыя правы будуць цалкам адпавядаць міжнародным патрабаванням да дадзенага тыпу дакументаў, што забяспечыць іх уладальнікам дадатковыя перавагі пры знаходжанні за мяжой.
Тым не менш, пасля ўвядзення пасведчанняў новага ўзору здзяйсняць іх поўную замену ў Беларусі не плануецца. На пачатковым этапе яны будуць выдавацца толькі тым, хто атрымлівае правы ўпершыню, удакладніў намміністра.
