Пуцін набудзе браніраваны палац у Швейцарыі
8
18:01, — У свеце
Мясцовыя жыхары не маглі паверыць у гэтую навіну. І тым не менш. Па паведамленні суботняга нумара Blick, Уладзімір Пуцін, які застаецца расейскім прэзідэнтам да 8 мая, можа набыць нерухомасць у Глетэрэне (Gletterens), вёсцы на беразе Неўшатэльскага возера.
Валеры Піле, намеснік кіраўніка камуны Глетэрэна і дэпутат Вялікага савета Фрыбура, выказаўся вельмі стрымана. "З камунай пакуль ніхто не звязваўся. Я не ведаюю, адкуль такая інфармацыя", – сказала яна карэспандэнту Le Temps.
Дом, які ўзвышаецца над возерам, і на які нібыта заглядаецца расейскі лідэр, – далёка не звычайны. Гэты дом, які называюць La Châtelaine ("гаспадыня маёнтку"), падобны да раскошнага форту, які разлічаны на выжыванне пры ядзернай бамбардзіроўцы. Размешчаная на тэрыторыі 45000 кв. м віла з карыснай плошчай 15000 кв. м нагадвае бункер. Яна акружаная сцяной з чосаных камянёў, уезд у падземны гараж ажыццяўляецца праз бетонны тунель з браніраванымі варотамі. Кожны пакой, у тым ліку і раскошная спальня, абарудаваны маніторамі, падключаных да камер назірання. На даху будынка ёсць верталётная пляцоўка.
Будаўніцтва гэтага браніраванага палаца абыйшлося ў смешную суму – 26 млн швейцарскіх франкаў, і заняла трыццаць год. Гэта твор багацейшага амерыканца па імені Морыс Кінгслі, які, здаецца, закахаўся ў дзяўчыну з Глетэрэна. Ён пражыў у La Châtelaine ўсяго два месяцы, перад тым як прадаць маёнтак. Цяперашні ўладальнік – брытанскі грамадзянін, "зарэгістраваны ў камуне", паведаміла Валеры Піле.
Па дадзеных Blick, перамовы аб продажы аб’екта Уладзіміру Пуціну будуць весціся паміж адніз са сваякоў расейскага прэзідэнта і швейцарскім банкам.
