Расійскія войскі на тэрыторыі Беларусі
2- 12.05.2008, 8:26
Вайскова-паветраныя сілы Расеі прымуць удзел у шырокамаштабных вучэннях узброеных сіл Беларусі "Восень-2008", якія пройдуць на тэрыторыі краіны ў другой палове года.
Пра гэта паведаміў "Інтэрфаксу" галоўнакамандуючы ВПС РФ генерал-палкоўнік Аляксандр Зелін.
"ВПС Расеі прымуць удзел у гэтых вучэннях. Мы ж "саюзная дзяржава". Падрыхтоўка да іх ідзе ў планавым рэжыме", - сказаў А.Зелін журналістам у Севастопалі ў нядзелю.
У сярэдзіне красавіка камандуючы ВПС і СПА Беларусі паведаміў, што Менск даслаў прапанову ўзброеным сілам Расеі прыняць удзел у вучэннях "Восень-2008".
