У Бабруйску пачалі шыць вопратку з абаронай ад мабільнікаў
10
16:22, — Грамадства
Бабруйская швейная фабрыка"Славянка" пачала выраб школьнай формы, якая абараняе ад выпраменьвання сотавых тэлефонаў.
Для пашыву формы, якая таксама будзе экспартавацца ў Расею, выкарыстоўваецца спецыяльная імпартная тканіна. Да школьнага сезону плануецца пашыць 20 тыс. такіх касцюмаў. Спробныя партыі вопраткі пад брэндам SLV ужо трапілі ў продаж, паведамляе «Телеграф».
Касцюмы пад брэндам SLV ужо патрапілі ў рознічную сетку Беларусі, Масквы і Санкт-Пецярбурга. Па словах начальніка аддзелу маркетынгу ААТ "Славянка" Любові Кісялёвай, абаронныя ўласцівасці маюць некаторыя элементы школьнай формы, перадае "Еўрапейскае радыё для Беларусi". "У кішэню ўшываецца абаронны матэрыял. Мы правяралі, загортвалі ў яго тэлефон, ніякага выпраменьвання не назіралася", - паведаміла Любоў Кісялёва.
Выпуск навінкі дазволіла засвоіць праведзеная ў бягучым годзе мадэрнізацыя вытворчасці швейнай фабрыкі, у межах якой на прадпрыемстве было ўсталявана абсталяванне для вільготнай цеплавой апрацоўкі вырабаў, а таксама набытыя 50 імпартных швейных машын, адзначае сайт "Амбасады Рэспублікі Беларусь у Расейскай Федэрацыі".
У сувязі з гэтым у прадпрыемства з’явіліся новыя магчымасці па працы над удасканаленнем калекцыі школьнай вопраткі, якая будзе працягнутая ў гэтым годзе. Да прыкладу, пры вырабе спартовых касцюмаў плануецца шырока прымяняць трыкатажныя тканіны, што палепшыць гігіенічныя ўласцівасці вопраткі, павысіць ейную камфортнасць.
Напісаць каментар (10)
