Уладзімер Арлоў намінаваны на прэмію «Эўрапэйскі паэт свабоды»

Пра гэта паведамляе польская «Gazeta Wyborcza».

Намінанты на новую літаратурную ўзнагароду былі абвешчаныя 16 траўня. Сярод іх — прадстаўнікі Кіпру, Сэрбіі, Славаччыны, Славеніі, Швэцыі, Францыі.

Беларусь прадставіць кніга вершаў Уладзімера Арлова «Паром праз Ла?Манш».

Узнагароду ў 100.000 злотых (каля 30.000 эўра) заснаваў і фундуе горад Гданьск. У ім і абвесьцяць імя пераможцы падчас міжнароднага літаратурнага фэстывалю ў 2010 годзе.