Расея перадае Беларусі сваю базу невыезных

Расейскія праваахоўныя органы перадаюць Беларусі спіс грамадзян, якім часова забаронены выезд з краіны.

Пра гэта на прэс-канферэнцыі сёння ў Менску паведаміў старшыня Дзяржаўнага памежнага камітэта Беларусі Ігар Рачкоўскі.

Па ягоных словах, у перададзенай базе звестак – з 200 тыс. чалавек. Гэта спісы Інтэрполу, Еўраполу, ФСБ, МУС, падатковых органаў.

Кіраўнік памежведамства адзначыў, што ўключэнне расейскіх невыезных грамадзян у беларускую базу звестак можа стварыць пэўныя праблемы. "Неабходна іншае праграмнае забеспячэнне, кампутары з высокім аб'ёмам памяці. На рашэнне гэтых праблемаў спатрэбіцца пад Br300 млн.", - сказаў ён.