«Дэпутаты» разгледзяць прапановы да Закону аб СМІ, але не абяцаюць іх улічыць

Пасля прыняцця ў першым чытанні Закону аб СМІ старшыня камісіі па правах чалавека, нацыянальных дачыненнях і сродках масавай інфармацыі “палаты прадстаўнікоў” Юрый Кулакоўскі паабяцаў, што ўсе прапановы, якія камісія атрымала ад зацікаўленых бакоў, будуць разгледжаныя да другога чатання.

«Мы атрымалі ўсе заўвагі і прапановы па законе ад Беларускай асацыяцыі журналістаў, ад АБСЕ, ад „Экономической газеты“ і „Советской Белоруссии“. Усе прапановы будуць разгледжаныя да другога чытання закона, але не абяцаю, што ўсе яны будуць улічаныя», — сказаў Юрый Кулакоўскі у гутарцы з прэс-службай БАЖ.

Па словах спадара Кулакоўскага, закон вынесуць на другое чытанне адразу, як толькі ён будзе гатовы. «Калі будзе гатовы хутка, то разгледзім на гэтай сэсіі, калі не — увосені. Але будзем старацца зрабіць гэта да заканчэння бягучай сэссіі», — дадаў Юрый Кулакоўскі.

Нагадаем, што па Канстытуцыі РБ сэсія беларускага парламента павінна скончыцца не пазней за 28 чэрвеня.

17 чэрвеня БАЖ накіравала афіцыйныя лісты намесніцы кіраўніка Адміністрацыі прэзідэнта Наталлі Пяткевіч, начальніку галоўнага ідэалагічнага ўпраўлення Усеваладу Янчэўскаму і першай намесніцы міністра інфармацыі Ліліі Ананіч з просьбай пасадзейнічаць шырокаму грамадскаму абмеркаванню апошняй рэдакцыі законапраекта, правядзенню парламенцкіх слуханняў па сітуацыі са СМІ ў Рэспубліцы Беларусь, а таксама накіраванню законапраекта на экспертызу ў Раду Еўропы.

Напярэдадні слуханняў, 16 чэрвеня, у “палату прадстаўнікоў быў перададзены тэкст дэталёвай экспертызы законапраекта «Аб сродках масавай інфармацыі», падрыхтаваны юрыстамі БАЖ. Аднак на пашыранае пасяджэнне камісіі па правах чалавека, нацыянальных дачыненнях і СМІ, якое адбылося ўчора ў другой палове дня, экспертаў БАЖ не запрасілі — нягледзячы на пісьмовую просьбу, накіраваную “дэпутатам” на мінулым тыдні.

БАЖ атрымала тэкст новага законапраекта ўвечары 11 чэрвеня. 12 чэрвеня арганізацыя накіравала звароты асабіста кожнаму са 110 “дэпутатаў” з пералікам найбольш рэгрэсіўных палажэнняў гэтага дакумента і просьбай паспрыяць яго шырокаму грамадскаму абмеркаванню перад прыняццём. Аднак у часе сённяшняга разгляду законапраекту ў “парламенце”