Сяргей Калякін: «Гэта падобна да сутаргаў улады»
8
12:39, — Палітыка
Напярэдадні гэтак званых "выбараў" актывістаў апазіцыі прымушаюць запаўняць дэкларацыі аб прыбытках. Сёння гэты дакумент у чарговы раз быў запатрабаваны ў лідэра Партыі камуністаў беларускай.
- Сёння я быў запрошаны ў падатковую інспекцыю Савецкага раёна, дзе мне спрабавалі ўручыць патрабаванне задэклараваць прыбыткі і маёмасць. Але сёлета я ўжо двойчы падаваў дэкларацыю аб прыбытках. Першы раз у сакавіку ў адміністрацыю Партызанскага раёна Менска, а другі раз 15 ліпеня на патрабаванне дэпартамента фінансавых расследаванняў Камітэта дзяржаўнага кантролю Рэспублікі Беларусь, -- паведаміў Сяргей Калякін газеце "Таварыш". -- Запаўняць чарговую дэкларацыю я, натуральна, адмовіўся, спаслаўся на закон Рэспублікі Беларусь пра падатковыя дэкларацыі грамадзян. Дзе, у прыватнасці, сказана, што калі ў грамадзяніна не змяніліся маёмасць і прыбыткі, то ён мае права проста паведаміць у органы, якія патрабуюць дэкларацыю, што здаў яе ў пэўны орган. А у мяне ад 15 ліпеня нічога не змянілася…
Да таго ж, з дэпартамента фінансавых расследаванняў дэкларацыя звычайна перадаецца ў падатковую інспекцыю па месцы жыхарства і яна там недзе, бадай, ёсць.
Апрача іншага, я сказаў супрацоўнікам падатковай інспекцыі Савецкага раёна, што іх патрабаванне супярэчыць і заяўленаму спадаром Лукашэнкам прынцыпу аднаго акна. Бо ў рэспубліцы Беларусь, калі верыць таму, што кажа спадар Лукашэнка, ідзе барацьба з бюракратыяй! І калі яны, можа быць, гэтага не ведаюць, то ім варта звярнуцца да адпаведнага выказвання.
А наогул я лічу, што гэтая хаатычная дзейнасць розных чыноўнікаў сведчыць усяго толькі пра імкненне ўсіх адразу выканаць любое дзеянне ўслед за любым выказваннем галоўнай службовай асобы краіны. Праўда, усе гэтыя дзеянні і, у прыватнасці, патрабаванні падатковых дэкларацыяў у выніку нічога не дадуць. Будзе выдаткавана вялізная колькасць чынавенскіх чалавека-гадзін, мноства дзяржаўных грошай, а вынік станецца нулявым.
Дарэчы, усё неяк вельмі супадае з другой кампаніяй, якая сёння вядзецца: нібыта ў пошуку вінаватых у выбуху 4 ліпеня.
Даходзіць да маразму. У Баранавічах супрацоўнікі адпаведных службаў заявіліся да сябра нашай партыі 1924 года нараджэння, які не можа перасоўвацца, з патрабаваннем патлумачыць, дзе ён быў 4 ліпеня…
Яму сказалі таксама, што ў яго будуць браць адбіткі пальцаў і сліну на аналіз…
А нашаму баранавіцкаму актывісту Віктару Цяпіну заявілі, што калі ён не здасць адбіткі пальцаў і сліну на аналіз, то яго арыштуюць на 10 сутак і там усе аналізы возьмуць прымусова.
Гэта ўжо падобна да сутаргаў улады…
Навіны
па тэме
- Зміцер Дашкевіч: Удзел апазіцыі ў «выбарах» можа легітымізаваць «палатку»
- 90% сяброў выбарчай камісіі - з арганізацыі «Белая Русь»
- Улады баяцца байкоту: КДБ абшукаў штаб-кватэру «Маладога Фронту»
- Лідэры партый яшчэ не зразумелі, што «дэпутатаў» будуць прызначаць
- Сацыял-дэмакраты могуць адмовіцца ад удзелу ў «выбарах»
