На беларускую АЭС пераманьваюць спецыялістаў з суседніх краін
12
13:09, — АЭС у Беларусі
Беларусь вядзе падбор дасведчаных спецыялістваў дзейсных АЭС для заключэння з імі кантрактаў на працу на беларускай атамнай станцыі.
"Сёння мы ўжо падбіраем дасведчаных спецыялістаў, якія працуюць на дзейсных АЭС з тым, каб іх можна было перападрыхтаваць пад праект нашай станцыі. З імі будуць складаць кантракты, у якіх будуць абгавораныя ўсе ўмовы. Гэта будзе асноўны касцяк персанала, які ажыццявіць пуск і працу першага блока", - заявіў у апублікаваным у чацвер газетай "Советская Белоруссия" матэрыяле намеснік міністра энергетыкі краіны Міхаіл Міхадзюк.
"Шматлікія былыя выпускнікі нашых вну сёння працуюць на досыць высокіх пасадах у ядзернай галіне краін СНД і далёкага замежжа. У тым ліку і ў МАГАТЭ. Будзем запрашаць і іх, папярэднія перамовы ўжо вядуцца", - працягнуў намміністра.
"А да моманту пуску другога блока ў нас ужо будуць падрыхтаваныя ўласныя кадры", - дадаў ён.
М.Міхадзюк заўважыў, што "хуткім часам будзе прынятая дзяржаўная праграма падрыхтоўкі кадраў для ядзернай энергетыкі, хаця фактычна праца ўжо ідзе: 4 вну пачынаюць прыём па шэрагу спецыяльнасцяў сёлета". Пры гэтым ён падкрэсліў, што "падрыхтоўку можна ўмоўна разбіць на наступныя этапы: першасная - вучоба ў вну, затым стажыроўка на дзейсных АЭС і атрыманне імі адпаведных сертыфікатаў".
Намміністра таксама нагадаў аб эканамічнай мэтазгоднасці будаўніцтва АЭС у краіне. "Вы ведаеце, якая ў апошнія гады складаецца дынаміка росту коштаў у свеце на нафту і газ? Уласных паліўных рэсурсаў у нас вельмі мала. Іх доля у балансе кацельна-печкавага паліва складае каля 17%, астатнія імпартуемы, у асноўным гэта прыродны газ, доля якога ў цеплаэнергетыцы складае парадку 95%", - нагадаў ён.
"Увод АЭС дазволіць атрымліваць таннейшую электраэнергію", - падкрэсліў М.Міхадзюк. "Па інфармацыі з расейскіх крыніц, у Расеі сабекошт электраэнергіі на АЭС складае ў сярэднім 1,71 цэнта за квт/г, а на газе - 4,06, на мазуце - 4,41. Акрамя таго, калі кошты на газ вырастуць, напрыклад, у 2 разы, кошт вырабленай на газе электраэнергіі вырасце на 70-80%. У той жа час рост кошту на прыродны ўран у 2 разы павялічыць выдаткі на выпрацоўку электраэнергіі на АЭС усяго толькі на 5%, бо паліўная складнік на АЭС значна ніжэй, чым на звычайных станцыях", - растлумачыў прадстаўнік Мінэнерга.
"Рашэнне аб будаўніцтве АЭС выклікана неабходнасцю забеспячэння дыверсіфікавання відаў паліва. У свеце няма манаполіі на пастаўкі ядзернага паліва. Пры вытворчасці электраэнергіі на АЭС маецца магчымасць яго закупу ў розных краінах і стварэнні гарантаванага запасу на доўгі час", - працягнуў ён.
Пры гэтым М.Міхадзюк заўважыў, што "вакол нашай краіны працуюць некалькі атамных станцый. Іх электраэнергію нам прыходзіцца купляць па сусветных коштах". "Уводзіны лімітаў на выкіды парніковых газаў - сур'ёзны аргумент у карысць АЭС", - заўважыў ён.
У сваю чаргу загадчык аддзяленнем энергафізікі Інстытута цепла- і масаабмену акадэмік Алег Мартыненка звярнуў увагу на тое, што "вынікі (праведзеных матэматычных разлікаў - ІФ) прама паказвалі, што без ядзернай энергетыкі паспяхова развівацца эканоміка не зможа". "Мы закладвалі ў кампутар усе асноўныя паказчыкі сённяшняй энергетыкі і прагнозы на бліжэйшыя гады, запатрабаванні эканомікі ў найблізкім будучыні і на далягляд, улічвалі ўсе параметры росту коштаў на арганічнае паліва, рост попыту і запасы, адказ на выхадзе быў адзін: без АЭС не абыйдземся. Прамарудзім цяпер, потым усё роўна прыйдзецца прымаць такое жа рашэнне, толькі ў значна горшых умовах", - канстатаваў ён.
Напісаць каментар (12)
Навіны
па тэме
