Уладальнік рынку «Ждановічы» афармляе групу інваліднасці
1
8:58, — Крымінал
Уладальнік кантрольнага пакету акцыяў ГД “Ждановічы” Яўген Шыгалаў непрацаздольны й афармляе групу інваліднасці.
Нагадаем, бізнэсоўца арыштавалі ў красавіку, некалькі месяцаў пратрымалі ў СІЗА. Там у яго й здарыўся трэці інфаркт.Па патрабаванню абаронцаў у чэрвені Яўгена Аляксандравіча вызвалілі з-пад варты пад заклад у 10 мільёнаў рублёў (каля 4,6 мільёнаў даляраў). Заклад унеслі сваякі. Грошы знаходзяцца на рахунку Галоўнага следчага ўпраўлення МУС.
Згодна рэкамендацыяў беларускіх кардыёлягаў Шыгалаву дазволілі з’ездзіць на кансультацыю да тых лекараў, якія раней рабілі бізнэсоўцу аперацыю. На пачатку ліпеня ён паляцеў з Менску ў Лёндан.
- Апэрацыю Яўгену Аляксандравічу не зрабілі. Як лічаць ангельскія кардыёлягі, хірургічнае ўмяшальніцтва зараз супрацьпаказана. У яго знайшлі запаленне абалонкі сэрца. Лекары распрацавалі тактыку далейшага лячэння, назначылі медыкаменты. Яму патрэбна прыехаць яшчэ раз напрацягу дзвух месяцаў, - распавёў “КП у Беларусі” Яўген Маліноўскі, адзін з адвакатаў бізнэсоўца.
Зараз Яўген Шыгалаў знаходзіцца на лістку непрацаздольнасці й афармляе групу інваліднасці. Па словах адваката, працоўнымі справамі ГД “Ждановічы” ён не займаецца, хаця мае права.
Нагадаем, крымінальная справа, якую завялі на Шыгалава, тычыцца быццам бы падробленых дакументаў, па якіх на тэрыторыі “Ждановічаў” распачалося будаўніцтва. Па меркаванню ворганаў слецтва, яно пашкодзіла экалягічнаму становішчу. Пакуль Шыгалаў быў у Ангельшчыне, стадыя папярэдняга слецтва працягнулася што найменш да сярэдзіны кастрычніка.
Навіны
па тэме
- Экс-дырэктар рынка «Ждановічы» вярнуўся з Лондану пад арышт
- Освобожденный под залог гендиректор рынка «Ждановичи» уехал в Лондон
- Гендырэктара ГД «Ждановічы» вызвалілі пад заклад у 4 мільёны 740 тысяч даляраў ЗША
- Заўтра экс-дырэктар «Жданавічаў» можа апынуцца на волі
- Экс-директор «Жданович» не признает своей вины
