Мытні не далі дабра
8
15:01, — Грамадства
Урад адмовіў Дзяржаўнаму мытнаму камітэту ў задавальненні просьбы аб падвышэнні ўзроўня заробку супрацоўнікам ДМК.
Як вядзецца з адказу Міністэрства фінансаў, на дадзены момант бюджэт краіны проста не можа сабе гэтага дазволіць.
Нагадаем, у пачатку чэрвеня ДМК накіраваў у Савмін і Мінфін аналітычны ліст, у якім абгрунтаваў неабходнасць падвышэння супрацоўнікам мытні заробку. Маўляў, мытнікі атрымліваюць менш за іншых супрацоўнікаў праваахоўных ведамстваў, што падрывае не толькі прэстыж службы, але і стварае цяплічныя ўмовы для ўзнікнення карупцыі. Сярэдні заробак супрацоўнікаў ДМК сёння складае каля 450 даляраў, маладога супрацоўніка без выслугі гадоў - каля 300 даляраў. У той жа час праз мытнага інспектара праходзяць грузы і каштоўнасці на мільёны даляраў. У такой сітуацыі, лічаць у Дзяржаўным мытным камітэце, ніякая ідэалагічная праца не дасць жаданага выніку, паведамляе “Ежедневник”.
Міністэрства фінансаў правяло аналіз сітуацыі, падлічыла, якімі сродкамі размяшчае, і дало адказ, што ва ўмовах выканання ўсёй краінай патрабаванняў прэзідэнта аб эканоміі і ашчаднасці падвышэнне заробку супрацоўнікам ДМК на дадзены момант немэтазгоднае. Сапраўды, сярод сілавікоў мытнікі атрымліваюць менш за ўсіх, але справа ў тым, што ў іншых міністэрствах атрымліваюць і таго менш. А сілавікам колькі ні падвышай, усё роўна хтосьці з іх будзе зарабляць менш. Менавіта таму, урад прыняўшы бок Мінфіна, вырашыў арыентавацца ў цэлым на ўзровень сярэдняга налічанага заробку ў Беларусі і зыходзіць з гэтага паказчыку. Паводле дадзеных Міністэрства статыстыкі і аналізу, за чэрвень ён склала ў Беларусі 892 тыс. рублёў. Супрацоўнікі ДМК ніжэй гэтага паказчыку не апусціліся, а значыць, нельга лічыць іх абдзеленымі.
Акрамя таго, урад лічыць, што ў дадзенай сітуацыі краіне неабходна адшукаць сродкі на бітву за ўраджай, а таксама на падрыхтоўку да новага ацяпляльнага сезону. Ды ці мала ў краіне больш надзённых пытанняў, чым падвышэнне ўзроўня заробку супрацоўнікам ДМК, якія з крымінальных скандалаў не вылазяць! Таму ўрад вырашыў сродкі, выгандлёваныя ад продажу БеСТ і іншых прадпрыемстваў, накіраваць на штосьці іншае.
