Расейскія дзеці трэці дзень ня могуць выехаць з Беларусі
11:05, — Грамадства
Каля 40 расейскіх дзяцей - удзельнікаў фэсту ў Польшчы - трэцюю пару знаходзяцца ў Берасці і не могуць з'ехаць дадому.
У звязі з гэтым, як паведаміў агенцтву "Інтэрфакс-Урал" кіраўнік прэс- службы ГУУС Свярдлоўскай вобласці Валерый Гарэлых, Следчы аддзел Чыгуначнага РУУС Екацярынбургу ўзбудзіў крымінальную справу ў дачыненні да арганізатара паездкі па ч. 3 арт.159 УК РФ (махлярства).
Ён распавёў, што калектыў "Кугарсен", у які ўваходзяць дзеці ад 9 да 15 гадоў, выехаў з Екацярынбургу для ўдзелу ў фэсце "Дні народаў Сярэдняга Ўралу", які адбываўся з 21 ліпеня па 4 жніўня ў Польшчы.
"За арганізацыю і аплату дарожных выдаткаў адказвала Марына Казанцава, дырэктар некамерцыйнага прадпрыемства "Міжрэгіянальны цэнтр падтрымкі і развіцця адукацыі, культуры і мастацтва".
“Бацькі перадалі ёй каля 300 тыс. рублёў. Але па заканчэнні фэсту высветлілася, што грошы за пражыванне дзяцей у гатэлі ў Берасці і дарогу дамоў ў Екацярынбург не пераведзеныя", - сказаў У.Гарэлых.
З ягоных словаў словаў, 13 бацькоў напісалі заявы аб гэтым у Чыгуначны РУУС.
"М.Казанцава дастаўленая ў райаддзел, яна знаходзіцца пад вартай, з ёй працуюць супрацоўнікі пракуратуры. Вырашаецца пытанне аб пошуку сродкаў на зварот дзяцей у Екацярынбург. Сытуацыя знаходзіцца пад асабістым кантролем кіраўніка ГУУС Міхаіла Нікіціна і кіраўніцтва пракуратуры вобласці", - падкрэсліў У.Гарэлых.
Як паведамлялася са спасылкай на бацькоў, у Берасці ўжо тры пары знаходзяцца 39 дзяцей з Свярдлоўскай вобласці, што ездзілі ў складзе творчых калектываў у турнэ ў Польшчу. Яны былі віннымі выехаць дадому 4 жніўня і ўжо ў сераду быць у Екацярынбурзе, але высветлілася, што ў арганізатараў ёсць квіткі толькі да Берасця.
На дадзены момант дзеці знаходзяцца ў гатэлі Берасця.
