Толькі за суткі за таніроўку аштрафавана больш за 200 кіроўцаў

Супрацоўнікі Дзяржаўтаінспекцыі Менска за мінулыя суткі прыцягнулі да адміністрацыйнай адказнасці 225 кіроўцаў, шкло аўтамабіляў якіх было таніраванае звыш усталяванай нормы або зашторанае.

Аб гэтым паведамілі ў ДАІ ГУУС Менгарвыканкама. З 4 па 14 жніўня Дзяржаўтаінспекцыя Менска праводзіць дэкаду па выяўленні і спыненні ўдзелу ў дарожным руху транспартных сродкаў з залішне таніраваным шклом.

У Беларусі забароненае выкарыстанне аўтамабільнага шкла, ступень светапрапускання якога складае менш за 70% — для пярэдняга и бакавога і менш за 60% — для астатняга шкла, а таксама з усталяванымі дадатковымі прадметамі або нанесенымі пакрыццямі, якія абмяжоўваюць агляднасць дарогі і якія пагаршаюць празрыстасць шкла.

У ДАІ растлумачылі, што ўзмацненне барацьбы з таніроўкай шкла прадпрынятае па прычыне таго, што некаторыя кіроўцы ўсталёўваюць на свае аўтамабілі шкло з нармальным каэфіцыентам светапрапускання толькі на час рэгістрацыі транспартнага сродку або праходжанні дзяржаўнага тэхнічнага агляду.

З 7 па 15 жніўня Дзяржаўтаінспекцыя Менска таксама праводзіць прафілактычную акцыю «Дзеці-пасажыры». Правядзенне дадзенага мерапрыемства звязанае з тым, што ў апошні час у рэспубліцы пачасціліся выпадкі траўміравання і гібелі дзяцей у транспартных сродках.