Беларуская сірата Таццяна Казыра папрасіла прытулку ў Амэрыцы (Відэа)
24
12:27, — Грамадства
Беларускія ўлады патрабуюць вярнуць на радзіму дзяўчыну, якая адпачывала ў ЗША. Сям'я з Сан-Францыска, у якую прыехала на канікулы Таццяна Казыра, адмовілася адпускаць яе дадому.
У Менску ўпэўненыя, што школьніцу ўтрымліваюць у Злучаных Штатах сілай. Але па сведчанні ўласнага карэспандэнта НТВ у ЗША Антона Вольскага, гэтая гісторыя прыняла нечаканую абаротку.
16-гадовая Таццяна сама заявіла аб жаданні застацца ў Амэрыцы.
Пакуль незразумела, на якой падставе Таня Казыра папрасіла прытулку ў Злучаных Штатах і чым яна матывавала сваё жаданне застацца ў гэтай краіне. Па некаторых дадзеных, дзяўчына папрасіла палітычнага прытулку, што гучыць досыць дзіўна, паколькі Тані Казыры ўсяго толькі 16 гадоў. Тым не менш, па наяўнай на дадзены момант інфармацыі, ейная заява прынята да разгляду.
Зараз у Тані Козыры ёсць уласны адвакат, які прысутнічаў на ейнай сустрэчы з беларускім консулам у ЗША. Цікава, што гутарка праходзіла на тэрыторыі паліцэйскага пастарунку. Магчыма, амерыканцы не давяраюць беларускім дыпламатам.
Беларускія службоўцы захоўваюць маўчанне, наадрэз адмаўляючыся кантактаваць з журналістамі. Яны па-ранейшаму настойваюць на тым, што дзіця сілай утрымліваецца ў амерыканскай сям'і. Мабыць, яны зыходзяць з таго, што непаўнагадовае па беларускіх законах дзіця не мае права прымаць самастойных рашэнняў аб тым, дзе яму жыць і прытулку ў якой краіне яму прасіць.
Сама гісторыя здарылася ў аўторак, калі дзеці з Беларусі, правёўшы лета ў Амерыцы, былі віннымі вярнуцца ў Менск. У аэрапорту высветлілася, што адна дзяўчынка — Таня Козыра — не прыехала і не збіраецца вяртацца да сабе на радзіму. Пасля гэтага беларускія ўлады прынялі валявое рашэнне і заявілі, што аніводнае дзіця не паедзе ў Беларусь, пакуль Таня Казыра не далучыцца да дэлегацыі.
У групе, якая адпачывала, — 25 дзяцей ва ўзросце ад 6 да 16 гадоў. І зараз усе яны затрымаліся ў Злучаных Штатах на нявызначаны тэрмін. Дзеці падарожнічалі ў Амерыку па так званай праграме для чарнобыльскіх дзяцей, якая існуе ўжо 15 гадоў.
Па дадзеных з Беларусі, па гэтай праграме штогод у Амерыку прыязджае больш за тысячу дзяцей. І падобны выпадак адбываецца ўпершыню.
Напісаць каментар (24)
